A Academia de Belas Artes incorpora a Casabella e Manolo Paz

José Manuel Casabella López, pola sección de Arquitectura, e Manuel Paz Mouta pola sección de Escultura, son os novos membros numerarios da Real Academia de Belas Artes A Nosa Señora do Rosario. O plenario da institución aprobou o pasado día 29 os nomeamentos, que inclúen tamén a Víctor Pablo Pérez como académico correspondente da institución. O traballo de Casabella a prol da recuperación de edificios, os proxectos escultóricos de Paz e a experiencia de Pérez no mundo da música son os méritos que considerou a institución.