O Fetén de Xixón, a Feira Europea das Artes Escénicas para Nenos e Nenas, celebra desde o pasado domingo e ata o vindeiro día 21 a súa vixésimo terceira edición. Entre as setenta montaxes que se presentan no evento, hai un oco para as producións galegas. As compañías Eme2 e Pistacatro presentarán no encontro os seus últimos traballos. Así, a primeira compañía representará o vindeiro xoves El príncipe envidioso, mentres Pistacatro porá en escena o espectáculo de novo circo Impreuna en tres sesións hoxe, mañá e o venres.
