Foi a brincar coa súa interpretación de personaxes televisivos malvados que Luis Iglesia B. e Xabier Deive artellaron Sede de mal. Un encontro de telepredicadores malvados que alternan monólogos e diálogos con interpretacións musicais de blues e rock nunha comedia salvaxe. O proxecto, que chega a escena da man da compañía Boneca Lareta, estreouse o pasado mes de novembro e comezou a súa xira este febreiro. Logo de visitar Celanova ou Cangas, o dúo recala hoxe e mañá en Santiago e Compostela e continuará vaixe por Allariz (día 15), Noia (16), A Estrada (21) ou Cedeira (22).
