Ernesto Chao e Rosa Álvarez
Con dirección de Xulio Lago a compañía Lagarta Lagarta estrea hoxe no Pazo da Cultura de Narón o seu novo traballo. O país do Pato Donald é unha obra que parte do texto Le ultime lune de F.B. e que explica a historia dun profesor de literatura que, na fin da súa vida, rememora unha existencia pasada que idealiza. A peza conta coas interpretacións de Ernesto Chao e Rosa Álvarez, e logo da súa parada en Narón, hoxe e mais mañá, continuará xira por Compostela (do 16 ao 27 de outubro) e oturas localidades do país, como Ourense (14 e 15 de decembro).
