Logo de o dar a coñecer o pasado mes de novembro no mercado Galicia Escena Pro, Voadora volta a Compostela para reestrear Calypso. O Salón Teatro da capital acolle desde xoves 5 e ata domingo novas funcións desta montaxe, no que a compañÃa "pon en escena a fin dun sistema, das relacións tal e como as entendiamos ata o momento, da intimidade ou da arte, fronte á perspectiva dun abismo descoñecido ao que a sociedade se asoma con curiosidade". As funcións marcan o comezo da xira que a compañÃa abordará no marco da Rede Nacional de Teatros Alternativos, que a levará a Valencia, Tenerife, Bilbao, Sevilla e Madrid.
