Foto: Mariña Patrimonio
As cicloxéneses deste inverno están a danar intensamente numerosos xacementos da costa galega, coma o da Illa de San Sadurniño (Cambados) ou o de Estabañón, na praia de Areas, en Viveiro, un importante núcleo fabril galaicorromano asociado aos recursos mariños. Os temporais están a desmontar muros e a verter sobre a praia numeroso material arqueolóxico, entre eles un "posible" morteiro -segundo Mariña Patrimonio- de gran tamaño. A asociación reclama á Xunta a retirada dos restos e medidas de protección para o sitio arqueolóxico.
