Co traballo artístico a partir do téxtil como base, a galería compostelá Metro presenta, ata o vindeiro 25 de xaneiro, a mostra De tecer. O proxecto, coordinado por Melania Freire, fai parte dunha iniciativa destinada a facilitarlle a novos comisarios oportunidades para desenvolver o seu traballo. Na mostra poden verse obras de creadores como Cristina Domínguez, Roi Durán, Laura Fabero, Teresa Búa ou Marta Lloria entre outros.
De xeito paralelo, a galería ten aberto, tamén ata o vindeiro 25, o prazo para achegar propostas para a segunda edición de Crash!! Colisión de perfomances. A nova xeira do encontro, que botou a andar en 2012 está coordinado por Metro e mais por Aire Centro de Arte e desenvolverase no espazo Caldeiraría 50 ao longo de varias xornadas nos meses de febreiro em arzo.
