Levar o traballo das mulleres nas conservas a escena. Esta é a base da que parte As do peixe, a obra escrita por Cándido Pazó e dirixida por Cristina Domínguez que se vai estrear o vindeiro 24 de xullo no marco da Mostra Internacional de Teatro de Ribadavia. A produción, para alén do orixinal do seu tema, parte dunha investigación sobre o mundo das conservas que incluíu entrevistas a traballadoras do sector e retrata a situación de crise polo que pasa esta industria.
