É un dos informes de referencia para coñecer a evolución dos indicadores da sociedade da información no Estado, e acaba de publicar a súa edición 2013. Os números abondan en tendencias xa habituais en Galicia: un 64,7% dos fogares dispoñen de acceso a Internet e deles, practicamente case todos disfrutan de banda ancha. Un 45% dos usuarios de Internet empregaron banca electrónica e un 65% redes sociais nos últimos tres meses e Galicia destaca porque é a segunda comunidade autónoma en uso da Administración electrónica para obter información e descarga de formularios e porque as microempresas galegas reducen a brecha dixital coa media estatal en varios indicadores de equipamentos e comunicación en Internet.
