O Diario Oficial de Galicia recolle hoxe a resolución das axudas para actuacións en arquivos do pasado ano e realiza a convocatoria do novo exercicio, que cubrirá os anos 2013 e 2014. A liña de subvencións está aberta tanto a asociacións como a entidades locais, que poderán compatibilizar este subsidio con outras axudas para organizar, equipar ou dixitalizar os seus arquivos. Entre os beneficiarios da última convocatoria están entidades como a Universidade de Santiago, que recibiu 20.000 euros, as fundacións Luís Tilve (19.408 euros) e Bautista Álvarez (2.250), a Real Academia Galega (1.284) ou o Bispado de Tui, que obtivo 19.960 euros.
