O Diario Oficial de Galicia do pasado venres publicaba a convocatoria das axudas para o equipamento e mellora dos locais de fundacións e asociacións culturais. Cunha contía de 300.000 euros, esta liña de axudas permitirá acceder a apoios de ata 30.000 euros por entidade, dos que un tezo poderán ir a mobiliario e o resto a tarefas de acondicionamento. Esta fora unha das liñas de axuda que a Consellaría de Cultura anulara o pasado ano, meses despois da súa convocatoria. Desta volta mantén a contía coa que contaban as axudas en xaneiro de 2011.
