A Xunta rebaixa a contía para promover o uso do galego nas entidades locais

Hoxe sae no Diario Oficial de Galicia unha nova convocatoria das axudas a entidades locais de Galicia para a promoción do uso da lingua galega. Con elas preténdese crear ou reforzar servizos lingüísticos en concellos ou agrupamentos de concellos. A este fin a consellaría de Cultura, Educación e Ordenación Universitaria destinará 400.000 euros, 120.000 menos que en 2012. Precisamente nese ano recuperouse esta liña de axudas logo de que en 2011 fóra convocada e posteriormente cancelada.