“A Consellaría de Cultura considera que a mellora das condicións dos locais destas entidades, abrirá as súas ofertas culturais aos novos campos da cultura, sen abandonar as súas ofertas culturais tradicionais”. Este é o obxectivo último dunha convocatoria de axudas que publica hoxe o DOG cunha contía de 300.000 euros (cofinanciadas con fondos Feder no seu 70%), tal e como o explica o propio texto da convocatoria. A axuda é de carácter competitivo e poden optar a ela asociacións culturais sen ánimo de lucro que teñan sede en Galicia.
