Xosé Paulo Rodríguez aspira a unha programación estable na Rede Española de Teatros

Logo de dous anos á fronte do teatro Rosalía de Castro da Coruña o ourensán Xosé Paulo Rodríguez era elixido este mes como director da Rede Española de Teatros. Segundo anunciou o novo responsable da entidade, o seu principal obxectivo é acadar unha programación estable na que a influencia das mudanzas políticas quede minimizada. No mesmo sentido, sinalou a necesidade de normalizar o sector das artes escénicas para permitir que os practicantes destes oficios poidan "vivir decentemente".