Nun orzamento que, segundo a entidade, segue a liña dos últimos anos, a Fundación Novacaixagalicia contará o vindeiro ano con 31 millóns de euros para o seu funcionamento. Estes fondos distribuiranse entre o programa cultural e os de atención social e á terceira idade ademais de en iniciativas de fomento do emprego e apoio ao terceiro sector, segundo adiantou a fundación. De xeito paralelo, e segundo lembra hoxe El Ideal Gallego, non se prevé que a adquisición de Novagaliciabanco por Banesco inflúa na situación dos fondos artÃsticos desta entidade, en proceso de declaración como Ben de Interese Cultural.
