Abertos ao Galego presenta o seu catálogo de agasallos de Nadal

Roupa, xoguetes, libros, alimentos ecolóxicos ou bonos para turismo rural son algúns dos contidos que achega o Catálogo de Nadal de Abertos ao Galego. A rede que agrupa preto de noventa empresas sensibilizadas coa lingua presentaba esta mañá as súas propostas para agasallar nesta época na nosa lingua. Iria Taibo, coordinadora deste proxectos desde a Mesa pola Normalización Lingüística, impulsora da rede, animou a adquirir produtos en galego para as nosas festas.