Esta mesma mañá botou a andar o web Agasallo.eu. A plataforma, promovida pola Coordinadora de Traballadores/as de Normalización da Lingua co apoio da Secretaría Xeral de Política Lingüística, achega un completo catálogo de produtos na nosa lingua que se poden adquirir en liña. Xoguetes, discos, libros, subscricións a medios de comunicación ou prendas de roupa son algunhas das propostas que se reúnen nunha iniciativa que pretende trascender as festas do Nadal e que permite mesmo crear catálogos personalizados a partir dos produtos dispoñibles.
