Os equipos e os fondos dos seminarios de Lexicografía, Sociolingüística, Terminoloxía e Onomástica da Real Academia Galega pasarán a ocupar, a partir do vindeiro mes de xaneiro, dependencias do Arquivo e da Biblioteca de Galicia na Cidade da Cultura. Estes departamentos, que xa desenvolvían o seu labor en Compostela, comezarán a traballar no Gaiás a partir do vindeiro mes de xaneiro en virtude dun convenio pendente de asinar pola RAG e mais a Consellaría de Cultura.
