Catro asociacións culturais reivindicarán cun roteiro a volta da colección Álvaro Gil a Lugo

As asociacións Buril, Cultura do País, Adega e Mariñapatrimonio organizarán para o domingo 15 de decembro un roteiro por varios dos xacementos arqueolóxicos da Mariña relacionados coa ourivería prerromana. Estas entidades queren reivindicar o retorno da colección Álvaro Gil, sacada polos herdeiros do propietario do Museo e trasladadas a unha cámara acorazada de Madrid. O roteiro percorrerá as minas de ouro da Espiñeira, os castros de Marzán, o castro de Fazouro e en Burela o hipocausto, o castro de Castrelo e a zona do castros, onde apareceu o famoso Torques de Burela, estrela da colección Gil.