Un total de 38 proxectos culturais beneficiaranse da terceira quenda de subvención á distribución que acaba de facer pública a Axencia Galega das Industrias Culturais. Xiras de espectáculos escénicos e musicais e promoción exterior de produtos culturais e feiras e mercados profesionais son as propostas que cobre esta partida, dotada con 55.515 euros. Sumadas ás anteriores resolucións, estas axudas chegaron a un total de 51 empresas culturais e 179 propostas, que repartiron 335.996 euros.
