Comeza o VIII Circuíto Galego da Maxia

A Pobra de Trives, A Pontenova, Allariz, Begonte, Culleredo, Celanova, Laxe e Ponteceso son os concellos que desde hoxe e ata o vindeiro 8 de decembro acollerán as actividades do VIII Circuíto Galego da Maxia. Co lema Nadal Máxico, o programa que organizan a Axencia Galega das Industrias Culturais e mais a Asociación de Magos Profesionais de Galicia contará con actuacións do Mago Richard en Celanova, Javier Muro na Pobra de Trives, o Mago Antón na Pontenova, Norberto Kolb e Kiko Pastur en Ponteceso, o Mago Cali en Allariz, Cayetano Lledó en Begonte, Román García en Laxe e, esta mesma noite, o Mago Benxamín e o Mago Pablo en Culleredo.