Os magos amplían a duración dos seus espectáculos no seu terceiro circuíto de Nadal

Ilusionismo, escapismo, mentalismo, ventriloquía, faquirismo...as diferentes formas da maxia teñen unha cita en 47 concellos galegos. Os mesmos que conforman o itinerario do III Circuíto Galego da Maxia (Nadal Máxico 08) que acaban de presentar o Mago Antón, presidente da Asociación de Magos de Galicia e Luis Bará, director xeral de Creación e Difusión Cultural. Ata o dez de xaneiro ofrecerán nos diferentes concellos, espectáculos de longa duración (hora e media) aptos para todos os públicos.