A reavivar do dito Por San Martiño, peóns aos camiños, Brinquedia, a Rede Galega do Xogo tradicional, celebra hoxe por noveno ano o Día do Peón. Coa intención de reivindicar este brinquedo tradicional, centros de ensino e colectivos de todo o país celebrarán sesións de xogo e actividades como certames de decoración de peóns. No entanto, o acto central celébrase esta mañá en Muimenta da man da asociación Xotramu. Unha exposición destas pezas, unha demostración ao vivo de como se fabrican, xogos e un concurso de pintado son as actividades previstas para esta mañá.
