Xotramu organiza a V Festa dos Xogos Tradicionais

Muimenta voltará concentrar os afeccionados ao noso patrimonio lúdico na V edición da Festa dos Xogos Tradicionais que organiza a asociación Xotramu. Entre as novidades deste ano está a presentación de tres novos entretementos recuperados. Desde Munich chega o Kerlido, mentres que a nivel galego daranse a coñecer a variedade de bolos de Visuña, O Courel, e mais a Marqueta propia de Mazaricos. Ademais, como é habitual, haberá demostracións de todo tipo de xogos populares e celebrarase o aberto de billarda Filloa 2013.