40 artistas, ourives e expertos en arte prehistórica van reunirse nas xornadas "Transformando materiais. Unha aproximación interdisciplinar á produción de obxectos de bronce". Será no Parque Arqueolóxico de Campo Lameiro e o obxectivo é, segundo os organizadores, "mellorar a comprensión da evolución dos procesos sociais e tecnolóxicos implicados nesta produción desde a máis antiga metalurxia da Europa atlántica ata a actualidade". Conferencias, visitas e obradoiros constitúen as actividades deste encontro.
