Imaxe de Gil Vicente na horta
Os acordos da Consellaría de Cultura para achegar os espazos escénicos galego e portugués comezan a dar froitos. No marco deste programa o Teatro Nacional Dona María II de Lisboa visitará os vindeiros días 25 e 26 de outubro o Teatro Principal de Santiago. Alí a compañía representará Gil Vicente na horta, unha versión dirixida por João Mota da obra O vello na horta, de Gil Vicente. Trátase dunha farsa que se representou orixinalmente en 1512 e que na versión actual encadea diferentes obras do clásico dramaturgo portugués.
