O Ministerio de Cultura resolve dúas das súas axudas á cinematografía

O Boletín Oficial do Estado recolle hoxe a resolución de dúas convocatorias de axudas no ámbito audiovisual que afectan a proxectos galegos. Tal e como xa se fixera público o pasado setembro, a convocatoria de apoios a festivais deixou sen financiamento estatal o de Cans, no Porriño, ao igual que o pasado ano. Pola contra, o Play-Doc e o festival coruñes S8 reciben desta volta 7.000 e 5.000 euros respectivamente.

Na outra liña, destinada a apoiar a distribución de longametraxes e conxuntos de curtas, atopamos tamén producións que tiveron participación galega como Somos gente honrada, de Castelao Films ou Operación E, protagonizada por Luís Tosar.