Dez festivais audiovisuais reparten 170.000 euros da Agadic

Play-Doc, Cans, Curtocircuíto, (S8), FICBUEU, Novos Cinemas, MICE, Primavera do Cine, FKM e Festival de Cine Inclusivo son os beneficiados

Imaxe do último Play-Doc. Facebook do festival.
Imaxe do último Play-Doc. Facebook do festival.
A Axencia Galega das Industrias Culturais acaba de facer pública a adxudicación das subvencións a festivais do sector audiovisual para 2019. En total dez eventos deste tipo repartirán o total de 170.000 euros con que estaban dotadas estas axudas. O máis beneficiado nesta liña resultou ser o Play-Doc de Tui, que conta con 38.000 euros para a súa XV edición, celebrada no pasado mes de marzo. Pola súa banda o XVI Festival de Cans obtivo 27.770 euros e a décimo sexta edición de Curtocircuíto 26.574.


A (S8) X Mostra Internacional de Cinema Periférico, con 25.745 euros e o Festival Internacional de Curtametraxes de Bueu, con 20.682 son os seguintes beneficiados con máis contía. A eles súmase o Novos Cinemas. Festival Internacional de Cinema de Pontevedra (12.129 euros), a MICE. Mostra de Cinema Etnográfico do Museo do Pobo Galego, (7.629) o Freakmacine da Coruña (3.564) e mais o Festival de Cine Inclusivo que fecha a táboa de beneficiados con 2.819.

Ficaron fora das axudas o Chanfaina Lab, o festival Primavera do Cine, o Festival Internacional de Cine Rural, o Festival Internacional de Curtametraxes e Diversidade Andaina, as Xornadas de Cine e Vídeo de Galicia 2019 (XOCIVIGA) e mais a Semana de Cine de Lugo.