A apertura do Museo Arqueolóxico de Ourense adiarase máis alá de 2017

O Museo Arqueolóxico de Ourense leva pechado por obras desde 2001 e o peche non parece que vaia ser solucionado en 2014. Segundo publica La Región, os Orzamentos Xerais do Estado prevén un investimento de só 150.000 euros en 2014 na reforma do edificio, mentres que existe unha previsión de case dous millóns de euros entre 2015 e 2017. Mellor sorte corre outro edificio emblemático ourensán, o Arquivo-Biblioteca de San Francisco, para os que se orzamentan máis de 4 millóns de euros no vindeiro exercicio ata un total, nos vindeiros anos, de 13,4 millóns.