Eugene O'Neill e Carlos Casares protagonizarán a temporada do CDG

O Centro Dramático coproducirá A Tempestade e Sem herói nem reino,

30/9/2013 | Santiago. Redacción | Seccións: espectaculos teatro

21 lecturas | Compartido 0 veces

Longa viaxe cara á noite, do estadounidense Eugene O’Neill será a principal novidade da nova temporada do Centro Dramático Galego, que recuperará As laranxas máis laranxas de todas as laranxas, de Carlos Casares. A entidade adiantaba o pasado venres as liñas das súas vindeiras estreas, salientando a anunciada Touporroutou da lúa e do sol de Vidal Bolaño, xunto a Teatro do Noroeste para o vindeiro 4 de outubro. Ademais, o centro desenvolverá en réxime de coprodución A Tempestade, con Voadora, e Sem herói nem reino, coa Companhia de Teatro de Braga e os angolanos Elinga Teatro.