Área de protección e delimitación do BIC do Convento de Herbón
Logo dunha intensa polémica entre a poboación e de que a comunidade franciscana que o ocupaba o abandonase, o convento de Santo Antonio de Herbón foi declarado Ben de Interese Cultural no Consello da Xunta de onte. O monumento contará cunha área de protección que inclúe un bosque autóctono próximo e mais a Igrexa de Santa María de Herbón, xa declarada anteriormente como BIC. Esta delimitación garante os usos agrarios nas proximidades do espazo, unha das cuestións máis debatidas durante o proceso de declaración.