Foron case dúas décadas en obras e un investimento que superou os 28 millóns de euros. O proxecto de ampliación do Museo de Pontevedra conclueu onte coa reapertura do edificio Sarmiento. Construído entre 1695 e 1714, foi inicialmente a sede do Colexio da Compañía de Xesús. A principios dos oitenta integrouse como un un dos espazos do Museo e agora exhibirá os fondos arqueolóxicos correspondentes á prehistoria e á idade antiga, a arte medieval ata o gótico, a olaría tradicional de Galicia, a louza de Sargadelos e a colección Sánchez-Mesas. Á inauguración acudiron numerosas personalidades do mundo da política e da cultura e hoxe abre ao público.
