O Museo de Pontevedra inaugura o Edificio Sarmiento o día 22

A renovación do Museo de Pontevedra complétase o vindeiro día 22. Para esta data está prevista a inauguración do rehabilitado Edificio Sarmiento, un local histórico no que se habilitaron seis salas de exposición e se abriu o claustro. O novo espazo acollerá as coleccións históricas do Museo desde a Prehistoria ata o Medievo, incluíndo pezas ata o de agora inéditas como restos humanos máis antigos que se conservan en Galicia. O presidente da Deputación de Pontevedra, Rafael Louzán, anunciou que, aínda que non se prevén novas obras de ampliación, desenvolveranse traballos para mellorar o estado das instalacións xa existentes.