Lois Patiño co seu premio no festival de Locarno
A carreira de Lois Patiño segue unha liña ascendente a un ritmo vertixinoso. Logo de participar en coñecidos festivais cos seus traballos anteriores, de carácter breve e sempre nun formato experimental, a súa primeira longametraxe, Costa da morte (Zeitun Films), acaba de resultar premiada no prestixioso Festival de Locarno, unha das cita imprescindibles do cinema de autor. No marco da sección Cineastas do presente, un espazo reservado para os máis arriscados e os nomes máis novos, recibiu o premio ao mellor realizador emerxente. A súa primeira longametraxe que ofrece unha visión romántica e monumental da natureza que empequenece a figura do home. Rocas, olas, lums, mar e a paisaxe centran esta obra dixital moi influenciada pola pintura.
