Galicia.1928 de Colmeiro.
A Fundación Laxeiro, en Vigo, abre hoxe Colmeiro. Debuxos de mocidade. A mostra, que se poderá ver ata o vindeiro 15 de setembro, céntrase na primeira época do coñecido pintor, entre 1918 e 1939, cando se fixan as bases do que sería a súa obra posterior. A exposición comisariada por Javier Pérez Buján abre un ciclo co que a Fundación repasará o traballo do grupo Os Novos mediante exposicións anuais dedicadas a cada un dos membros deste colectivo que renovou a arte galega do século XX.
