Un ciclo de exposicións abre ao público a colección de arte da Fundación Caixa Galicia

En época de crise, a Fundación Caixa Galicia bota man dos seus fondos (é a colección privada máis importante do Estado) para completar a súa oferta expositiva. Faino cun ciclo de catro mostras, nas que lle pide a catro reputados comisarios que establezan outra ollada sobre os seus fondos. O resultado é Miradas, o ciclo que comeza mañá coa primeira das mostras. Alfonso de La Torre encárgase desta exposición titulada “Desde o informalismo ao multicolor”, coa que se percorren os principais autores e movimentos artísticos españois e portugueses da segunda metade do século XX.