Miradas é o título do proxecto co que a Fundación Caixa Galicia revisa a súa importante colección de arte da man de catro coñecidos comisarios. Despois de dous primeiros achegamentos á colección, que aínda se poden ver en Lugo e A Coruña, agora chega o momento dunha terceira mostra. Iria Candela será a comisaria encargada de facer esta escolma que se centrará na arte galega recente. O título da mostra que hoxe abre as súas portas en Ferrol é Realidades, expresións, tramas. Arte en Galicia desde 1975.
