Os 89 quilómetros que separan Vigo da Coruña serven de título para a exposición na que o MARCO, museo de arte contemporánea do concello de Vigo, revisa a colección de arte do CGAC, centro da mesma temática pero autonómico. E para traballar sobre os máis de mil fondos que almacena o CGAC na súa traxectoria está unha comisaria independente: Virginia Torrente. Moi afeita a traballar con coleccións públicas, esta comisaria estrutura o material como se fose un relato en seis capítulos. A exposición que abre mañá as súas portas no museo vigués marca un punto de inflexión na relación entre os dous centros.
