O Centro Galego de Arte Contemporánea (CGAC) acolle, ás oito desta tarde, a inauguración de De la generosidad. Obras da Colección Fundación Helga de Alvear. A nova mostra, que comisaría o director do centro, Miguel Von Hafe, aproveita o material reunido por esta coleccionista para reflexionar sobre o propio fenómeno do coleccionismo e encol da xenerosidade, tanto a intrínseca ao arte creativo como a vencellada á exposición da arte.
A exposición parte de obras do modernismo clásico, con autores como Morris Louis, Ad Reinhardt, Robert Motherwell, para seguir despois por unha banda as traxectorias da neovangardas e movementos dos anos sesenta e setenta, e pola outra as propostas contemporáneas. A mostra permanecerá aberta ata o vindeiro 12 de xuño.
