Logo de que en 2012 as obras do campamento romano Aquis Querquennae se paralizasen por falta de financiamento, a fundación que se encarga da xestión deste espazo retoma algúns traballos. Trátase da consolidación dos barracóns escavados en anos anteriores que se fan con cargo a 26.000 euros que a fundación ten aforrados. A entidade realizou unha reunión ordinaria na que decidiu, entre outras cousas, solicitar a declaración de Ben de Interese Cultural como paso previo a optar a ser Patrimonio da Humanidade.
