Logo de doce campañas de investigación, este ano non haberá escavacións arqueolóxicas no depósito de Aquis Querquennis. Segundo recolle hoxe La Región, a Fundación Aquae Querquennae-Vía Nova non recibiu este anos a axuda de 35.000 euros da Consellaría de Traballo e Benestar, que sinalou que carece e fondos para sufragar esta iniciativa. A Fundación anunciou que, cos seus propios fondos, abordará traballos de consolidación de muros descobertos en anteriores campañas para evitar o seu deterioramento.
Para os vindeiros 14 e 15 de setembro, o centro de interpretación do depósito acollerá un simposio sobre Vías, viaxes e viaxeiros na Gallaecia antiga, que analizará as diferentes vías romanas que existiron no país.
O de Aquis Querquennis é un dos principais restos romanos que se conservan no país, con restos dun campamento, termas e parte da Vía Nova.
