O Consello da Cultura amosa a satisfacción polo dominio Punto Gal

Foi parte activa e comprometida nunha iniciativa que liderou a Asociación Punto Gal, de aí que a Comisión Executiva do Consello da Cultura Galega expresara a súa satisfacción por acadarse a aprobación do dominio por parte do ICANN. A decisión implica “a presenza diferenciada na Rede da lingua e a cultura de Galicia e polo novo impulso que esta decisión suporá a prol dunha maior presenza do idioma galego en Internet”. A Comisión Executiva situou esta nova no contexto actual, cando se cumpren trinta anos da aprobación por unanimidade da Lei de Normalización Lingüística.