A Consellaría de Industria achega 186.000 euros para conseguir o dominio galego

A campaña para conseguir o dominio galego en Internet, (.gal) conta desde hoxe cun importante apoio económico. A Consellaría de Industria anunciou que vai achegarlle 186.000 euros á campaña que desenvolve a Asociación .gal “para a realización de todas as xestións precisas para que o ICANN aprobe o dominio galego”. Desde xeito, este orzamento destinarase á elaboración dos traballos técnicos e cumprir os trámites administrativos que esixa este organismo internacional. A presenza en feiras internacionais con postos propios sobre o dominio é outro dos elementos da campaña nos que incide Industria.