A ilustración infantil, a banda deseñada, as posibilidades dos novos autores ou o mercado exterior son algunhas das cuestións que se abordarán no I Debate sobre o Estado da Ilustración. A Asociación Galega de Profesionais da Ilustración organiza este encontro no que autores como Manel Cráneo, José Domingo ou David Pintor abordarán distintos aspectos desta profesión e a súa situación nestes tempos de crise. O encontro, aberto a todos os interesados, desenvolverase o vindeiro sábado 22 na sede do Centro Cultural Novacaixagalicia en Compostela.
