O Freixo acollerá o XI Encontro de Embarcacións Tradicionais

A seguir a súa periodicidade bienal, a Federación Galega pola Cultura Marítima e Fluvial celebra neste 2013 o XI Encontro de Embarcacións Tradicionais. Preto de 120 naves de diferentes tipos se concentrarán no porto do Freixo, en Outes entre os días 11 e 14 de xullo para celebrar e compartir experiencias sobre o noso patrimonio mariñeiro. Co programa aínda pendente de fechar, está confirmada a presenza de Os Cempés e mais da Orquestra Sondeseu. Ademais, haberá mercadiños e actividades en terra, así como embarcacións convidadas de lugares como Euskadi, Portugal ou Cartagena entre outras orixes.

No apartado máis académico, unhas xornadas analizarán a situación e futuro da carpintaría de Ribeira, incluíndo unha homenaxe a estes artesáns.