Muros acollerá o IX Encontro de Embarcacións Tradicionais

Dous anos despois da súa última edición este verán celébrase o IX Encontro de Embarcacións Tradicionais. A vila de Muros acollerá desta volta o evento, que se celebrará entre os días 9 e 12 de xullo, que prevé reunir unha ampla representación con máis de 150 naves galegas e da Península. De xeito paralelo desenvolveranse obradoiros coma os de redeiras, cestería ou secado de polbo entre outras actividades. Tamén está prevista a organización de xornadas técnicas, cun congreso internacional sobre ecomuseos, e mais concertos e actividades lúdicas, con grupos coma Quempallou ou Susana Seivane.