Comeza en Pontevedra Represaliadas e resistentes

O Pazo da Cultura de Pontevedra acolle esta tarde o simposio Represaliadas e resistentes que analizará a represión franquista sobre as mulleres. A iniciativa, organizada polo Concello, abordará cuestións como a presenza feminina na resistencia contra a ditadura, os xeitos específicos da represión por xénero ou mesmo a actividade da Sección Feminina da Falanxe. Os audiovisuais Digna rabia, As silenciadas a exposición Vermellas ou un roteiro de homenaxe completan as actividades da iniciativa, que comezará ás 17 horas.