Patricia Esquivias.The Future Was When?, 2009 [O futuro foi cando?]
As obras de Patricia Esquivias (Caracas, 1979) parten da vida cotiá, dunha óptica persoal, para deslexitimar ou para ficcionar o pasado sen vontade de veracidade. Os seus traballos teñen un compoñene performativo e procesual moi marcado aínda que o seu punto de partida sempre é o texto. Na exposición que presenta no MARCO aborda o tránsito do pasado ao presente apoiado en dous proxectos. Dunha banda 111-119 Generalísimo/Castellana, que aproveita uns murais de cerámica no Paseo da Castellana para presentar un paralelismo entre a modernización do metro de Nova York e o de Madrid a partir da súa restauración. Da outra, Folklore unha serie que fala da relación entre a modernidade e a tradición da que deriva o folclore ou as expresións culturais propias dunha comunidade. A exposición pódese ver ata o 1 de setembro na sala de exposicións do primeiro andar do MARCO.
