Dunha banda Vasco Araújo, da outra Javier Téllez e no medio o MARCO e a Fundación Gulbekian. O museo vigués abriu esta fin de semana a primeira mostra da temporada achegando unha exposici´no que pretende facer visible o estraño, o incómodo, aquilo que moitas veces non se quere ver ou ao que non nos queremos enfrontar. Pertencentes á mesma xeración e con liñas temáticas con certas similitudes, a comisaria Isabel Carlos presenta unha exposición anegada de cinema, instalacións e fotografía que toma a vida como punto de partida e presenta zonas de invisibilidade e de prexuízos. “morte, vida, drama, ópera e fado percorren a exposición dun lado a outro: hai un exceso, un algo ‘máis que a vida’, en todas estas obras que estarán no MARCO ata o 9 de xaneiro.
