Educación convoca por separado os grupos parlamentarios

Buscar o “máximo consenso posible” sobre a política lingüística. Este é o obxectivo que persegue agora a Xunta e para o que pretende abrir un diálogo cos diferentes grupos con representación parlamentaria. A proposta foi recibida positivamente polos diferentes grupos parlamentarios que, en principio, estarían de acordo en iniciar un diálogo, tal e como publica La Opinión pero con matices. Para o voceiro do PSOE, Fran Caamaño a Xunta debe “retirar, suspender ou paralizar” o decreto e a volta ao Plan de Normalización. AGE e o BNG decidirán hoxe a posición oficial sobre a convocatoria á espera de apreciar, en palabras de Ana Pontón, “un cambio real por parte da Xunta”.